|
Die foto’s hierby is van ons nuutste gevorderde fotografiegroep. Die klas van 15 geniet die kursus baie en so ook die opdragte, soos gesien kan word. Die opdragte het gewissel van stadsligte en restaurante, verby vuur-en-ys, tot stil en bewegende kameras met bewegende onderwerpe. Die opdragte was uitdagend, maar dit het groot pret en plesierigheid gegee..
0 Comments
Hoewel ons studente as ‘n groep dieselfde opdragte kry, is daar opdrag-keuses sodat almal se foto’s nie dieselfde lyk nie. Dan is daar ook nog altyd vir elkeen plek vir sy eie smaak en interpretasie. Hierdie foto’s van ons een gevorderde groep toon dit duidelik. Ons is altyd baie beïndruk met die kreatiwiteit van Towerlantern se studente. Hier is ‘n verskeidenheid fotos van ons fotografiegroep wat pas in Februarie met hul gevorderde kursus begin het. Elkeen se foto’s spreek van kreatiwiteit. Ook geen reis na die Namib in Namibië kan mens onaangeroer laat nie. Geniet die kleure van die woestyn in hierdie fotoreeks. Geen reis na Namakwaland kan mens onaangeroer laat nie – veral as jy ‘n fotograaf is en ook na die kleinste en swakste blomtonele kyk. Hierdie fotoreeks gee ‘n uitbeelding daarvan. In aansluiting by my vorige nota in verband met die PowerPoint-aanbieding "Die lied van die Woestyn" noem ek graag die volgende. Hierdie aanbieding het ontwikkel tot 'n video/movie waarmee ons ons waardering van die Namib uitbeeld. Dit is nou op YouTube opgelaai. Jy is welkom om daarna te kyk by https://youtu.be/Dz-Xm2VB4WI .
Die musiek wat gebruik is, is van die komponis Ray Lynch se CD Deep Breakfast. Besigtig dié CD gerus by http://www.raylynch.com/albums/deep1.html . Een van my fotografie-voornemens die afgelope tyd was om woestynfoto's te neem. Gedurende die onlangse April-vakansie het ek en Sienie in Namibië gaan vakansie hou, spesiaal met die doel om woestynfoto's te neem. Daarmee het ek een van my fotomikpunte van 2015 bereik. Ek deel graag 'n aantal van hierdie foto's en sal ook graag jou kommentaar wil ontvang. Die foto's wat ek hier wys het die tema "Die lied van die woestyn", en die foto's moet in hierdie lig waardeer word en nie as byvoorbeeld 'n reisbeskrywing nie. Hierdie reeks foto's het die volgende onderafdelings om die "lied" nog meer te beklemtoon:
Die vryheid wat jou teruglok 'n Ander soort Eden Die volheid van die groot leegte 'n Stukkie bly hier agter Was dit alles net 'n droom? Hieronder volg 'n aantal foto's wat meesal in 2014 geneem is. Potchefstroom is bekend vir sy Mooirivier en 'n hele aantal van die foto's wys aspekte van dié rivier. Die ander foto's is ook in die omgewing van die rivier of die wyer Potchefstroom-omgewing geneem. Die klem in die foto's val op die uitbeelding van die luim van die toneel en nie noodwendig op die fisiese karakter daarvan nie. Soos opgemerk sal word, wissel die foto's van natuurlik tot abstrak tot impressionisties, party swart-en-wit en dreigend, en ander volkleur met baie lig. Geniet die foto's en lewer gerus kommentaar. Hou hierdie webblad dop -- binne die volgende paar dae verskyn daar foto's van my nuutste projekte ...
In die onlangse tyd het ek gefokus op foto's van die Mooirivier by Potchefstroom. Jy kan 'n paar daarvan verwag. Hier is 'n paar foto's van projekte wat ek in 2013 aangepak het. Ek sien uit om in 2014 meer daarvan met jou te deel! |
RSS Feed
